Postby toksave » 2005-11-03, 1:01
well, everyone asked for it so here it is
news from "la prensa" the aruban news in papiamentu
LIMA, - Mas o ménos mei mion di persona a bishitá santana “Nueva Esperanza” di Lima, un di e santananan mas grandi di Peru, pa resa dilanti di graf di nan famia ku a fayesé, kompañá pa serbes, bailenan i muzik.
“Dia di tur Santu”, selebrá ayera na Peru, a keda probechá pa habitantenan di Lima pa bishitá nan sernan kerí den e santana aki di 64 hèktar di ekstenshon, den distrito di Villa Maria del Triunfo, di e kapital.
E atmiradónan a sigurá ku tin 100.000 graf den e santana aki, for di dia di su fundashon na 1960.
Hendenan tabata sende bela pa honra memoria di nan sernan kerí i nan tabata bebe “chicha de jora” (un bebida di maishi).
Hòmbernan fuma tabata kana trompeká, miéntras nan tabata kanta pa nan famianan ku a fayesé.
Entre e orkestanan ku tabata brinda muzik p’e bishitantenan, por a skucha muzik típiko di provinsia Grau, di departamentu di Apurimac.
“Tur aña nos ta bini aki pa gana algun sèn pa toka pa e mortonan”, Juan Ramón Pumacahua, a bisa, kende ta direktor di e orkesta.
hope you got some stuff out of it.