Ciarán12 wrote:Então, comparado ao romeno (que imagino que vocês não estudem na escola), qual seria o mais fácil (falando das línguas faladas)? Português, francês ou romeno?
Si faghimus unu cunfrontu de limbas faeddadas, de seguru pro a nòis resultat piùs cumprensibile su frantzesu, segundu su portuguesu e ultimu su rumenu.
Su problema printzipale de su portuguesu sun sas pronuntzias, ca si non, comente limba iscritta, (nòis Sardos) resessìmus a cumprendere s'hispagnolu e in parte su portuguesu puru sene los hàere istudiados cun piùs fatzilidade de sos italianos, ca sa limba Sarda in cosas medas s'est evòlvida in manera simile a sas limbas ibericas, e bi sun cosas medas in s'istruttura grammaticale e in su vocabulariu de su sardu qui nos ajùan a cumprendere sas limbas ibericas cun paga difficultade.
Su rumenu invece resultat quasi una limba aliena, si puru est una limba romanza, bi sun in mesu influentzias slavas, e àteras cosas particulares qui no bi sun in sas àteras limbas de sa familia romanza; si intendimus unu rumenu faeddende, a boltas resessìmus a cumprendere una o duas frases o paràulas isuladas in mesu a totu su discursu, a boltas bi sun cosas similes a s'italianu, a boltas cosas qui podimus agattare solu in su sardu, ma resultat comunque diffitzile a lu cumprendere, puru a livellu de limba iscritta.