Ik hoow, dåt heer manschne san, wat me heelpe koone, di füliende artiikel önj e weestfrasche spräke tu ouerseeten.
Foole tunk!
http://friiskforiining.podspot.de/files ... fraidi.mp3
-------------
Nais foon diling, 30.10.2015
30.10.15, 07:59:41 von FriiskForiining
fraidi, di 30ste önj e stormmoune
Hamborj
En kemikaaljeschap schal ål tu began foon e waag süwat 410.000 liiter tanktouwååder önj e Weestsii önjtsörid hääwe. E Hamborjer wååderpolitii unerseecht e fål weegen e amwråålsschååse. En fliinjer foon e naaserlönjsch küstewåcht heet et schap aw e wäi eefter Hamborj bait önjtsörien sänj, diiljd e spreeger foon e politii änjörsne ma. Weensi wjarn beåmte foon e wååderpolitii dan önj Hamborj am boords foon e Bomar Jupiter gängen. Iinj di 38 iir üülje kåptain än san 40 iir üülje jarste ofisiir wörd en ferfååren weegen e ferdåcht foont ferünriinschen foon e sii aw e wäi broocht. Et schap mötj jarst iinjsen ai wi ütluupe.
Kil
Da beåmte foont loonskriminåålåmt Slaswik-Holstiin wan diling am e aktuäle önjtwiklige bai e sünåmd flüchtlingskriminåålitäät informiire. Tuleest häi et forsmite iinj e baneminister Stefan Studt jääwen, besuners foon e FDP fraksjoon. Hi schölj e lååge önj sin öfentlike beruchte än üteringe as tu gödj deer stald hääwe. Et LKA stoont ouers ääder e minister än bestääwit sin deerstalinge. Deereefter koon följk bai e grut mörhäid foon e krichsflüchtlinge ai fååststale, dåt´s irgenthü besuners apfåli bait kriminåål ferhüüljen san.
Risem-Lunham
E frasche jöögedferbånd Rökefloose lååsit tu en „gruuseleen“ än saneene, di 7de önj e mistmoune. Awt program stönje ünhiimlike spaale, en gruuselien film än as highlight en gruuselralley önj e junke. Mör Informasjoon aw jare hüüsesid uner roekefloose.de
Wääder, wååder än moune
Et blaft uk diling bedaked önj Nordfraschlönj. E san leet har ai siinj. Deerfor töre we ouers uk nån rin fermousem weese. Bai swåken ååsten win kamt et termomeeter bit aw 12 unti 13 grood. Tut waagiinje schal et wat fründliker wårde. En mänging üt wulkne än sanschin as önjsäid, weerbai e saneene moier weese schal as di saandi.
Da näiste biise tunge huuchwååder önj Doogebel foue we di eeftermadi am 2 minuute ouf fjouer än dan wi nåchtling am 21 minuute ouf fjouer.
E moune namt ouf.
Än tuleest nuch üüs spräkeuurd foon diling
Dåt as ai gödj än bräng tou hoode uner iinj kaschät.
En tiinjst foon e
FRIISK FORIINING
http://www.friiske.de