Page 35 of 39

Re: Persona sub me (ludus)

Posted: 2014-11-28, 19:49
by Babelfish
Orbem terrae tempestātis commūtātiōne afficī crēdō, nesciō autem certē num nimiā sit ea commūtātiō.

Meō subsequentī curricula autocinetōrum placent - ea spectāre, lūdere apud computatrum et cētera.

Re: Persona sub me (ludus)

Posted: 2014-12-11, 13:52
by Bernard
Babelfish scripsit / wrote:...Meō subsequentī curricula autocinetōrum placent - ea spectāre, lūdere apud computatrum et cētera.
Illa curricula non eodem modo mihi placent quo fratri, sed scio ea esse utilia ad perficiendam artem qua autocineta tutiora et firmiora efficiantur: temptantur enim novi axes, novae rotae ex cummi factae, novi apparatus quibus autocineta frenari possint, et cetera eiusdem generis.

Si me vis subsequi, oro te dicas utrum legere mavis librum chartaceum an librum electronicum.

Re: Persona sub me (ludus)

Posted: 2014-12-12, 19:05
by Babelfish
Rēvērā nesciō, nam electronicum librum per sē nōn iam lēgī. Nonnumquam autem apud computatrum legere praeferō, potestātis verba in textō quaerendī causā.

Sī mē vis subsequī, dic sōdes num iam ninxit hornō ubī habitēs.

Re: Persona sub me (ludus)

Posted: 2014-12-14, 20:00
by Kohlensäure
Te dico: In terra mea nix in hac hieme nondum apparuit. Frigus venire spero.

Persona sub me de munia molesta conqueri supervacuum esse putat.

Re: Persona sub me (ludus)

Posted: 2014-12-19, 21:43
by Bernard
Kohlensäure scripsit / wrote:...Persona sub me de munia molesta conqueri supervacuum esse putat.
Ita esse puto. Perferre nos et obdurare oportet.

Vin' me subsequi? Licet quidem, sed oro te dicas quae vota anno MMXV ineunte tibi facienda esse censeas.

Re: Persona sub me (ludus)

Posted: 2014-12-26, 20:01
by Babelfish
Nōn certus sum num dēsīderātiōnem verbō vōtō significāverīs vel prōmissum... Utiquē dēsīderātio mea prīma amātricem nanciscī est, prōmissum mihī faciendum est plūs hāc causā labōrāre :blush:

Quisquis me subsequī vult, eum ōrō dicat num hominem celebrem cognōverit necnē.

Re: Persona sub me (ludus)

Posted: 2015-01-09, 20:14
by Bernard
Babelfish scripsit / wrote:Nōn certus sum ...
Placet mihi responsum tuum. :waytogo:
Quisquis me subsequī vult, eum ōrō dicat num hominem celebrem cognōverit necnē.
Doleo quod nondum hominem vere celebrem cognovi.

Si me vis subsequi, te oro dicas tollasne cachinnos cum ridiculas Mahometi aliorumque hominum aspicias imagines quas Charlie Hebdo publicat?

Re: Persona sub me (ludus)

Posted: 2015-01-10, 16:36
by Babelfish
Dēpendet. Aliquīs tālibus imāginibus rīdeō, aliquīs nōn, optimae eārum interdum sēriae sunt.

Sī mē vis subsequī, tē ōrō dicās quārum saltatiōnum passūs sciās, sī ecquid?.

Re: Persona sub me (ludus)

Posted: 2015-01-15, 16:29
by Bernard
Babelfish wrote:...Sī mē vis subsequī, tē ōrō dicās quārum saltatiōnum passūs sciās, sī ecquid?.
O sanctae Pierii montis alumnae! Nihil aliud ego facere soleo nisi alterno pede pulsare terram. :lol:

Si mihi velis succedere, te oro scribas quo loco maxime tibi placeat deambulare, in urbe, in silva, in litore maris ...?

Re: Persona sub me (ludus)

Posted: 2015-01-16, 19:04
by Babelfish
Bernard wrote:O sanctae Pierii montis alumnae! Nihil aliud ego facere soleo nisi alterno pede pulsare terram. :lol:
Nequē ego :P Sed quid est "Pierius Mons"?
Bernard wrote:Si mihi velis succedere, te oro scribas quo loco maxime tibi placeat deambulare, in urbe, in silva, in litore maris ...?
Nōn satis deambulō :? Praeferō autem in nātūrā deambulāre, urbs densa est hominibus autocinetīsque.

Simplicem habeo quaestiōnem meō subsequentī: coffeam theamque cum lacte praefersne bibere?

Re: Persona sub me (ludus)

Posted: 2015-01-17, 11:29
by Bernard
Babelfish scripsit / wrote:... Sed quid est "Pierius Mons"? ...
Salve, Babelfish!
Illae “sanctae Pierii montis alumnae” nihil aliud sunt nisi Musae. Quod vero ad saltandi artem pertinet, Terpsichore divino quodam adflatu nos tangit.
:D

Re: Persona sub me (ludus)

Posted: 2015-01-22, 11:35
by Bernard
Babelfish scripsit / wrote:... coffeam theamque cum lacte praefersne bibere?
Hanc mihi proposui legem:
Lacte soleo temperare theam nigram (more Britannico!), neque vero theam viridem; lacte tempero et coffeam nigram, neque vero coffeam quae vocatur expressam.

Is qui me vult subsequi timet ne quando fiat calvus.

Re: Persona sub me (ludus)

Posted: 2015-01-23, 20:17
by Babelfish
Paulum, sīc. Longum habeō crīnem, quem āmittere nōlim; abdomen meum iam alescit :?

Mē subsequens rārē ēlectronicās ēius litterās dēlet, et ēius capsae (aut quōmodō Latīnē appellantur) opplentur.

Re: Persona sub me (ludus)

Posted: 2015-01-30, 11:11
by Bernard
Non conservo electrogrammata nisi ea quae maximi mihi videntur esse momenti. Cetera a me sine mora delentur.

:yep:

Is qui mihi vult succedere mox dentium medicum consulet ut dens sapiens sibi extrahatur.

Re: Persona sub me (ludus)

Posted: 2015-01-30, 20:12
by Babelfish
:o Nōn, et hoc facere nōn debēre me spērō!
(nonnē dens sapientiae appellātur?)

Sī vis mē subsequī, prīmum te ōrō dicās num additīciās vestēs induere vel domum calefacere praeferās.

Re: Persona sub me (ludus)

Posted: 2015-01-31, 15:58
by Bernard
Babelfish scripsit / wrote:...nonnē dens sapientiae appellātur?...
Salve, Babelfish.
dens sapientiae*] Ita est ut scribis :yep: , sed (quod sciam) etiam duo sunt alia vocabula: dens sapiens / dentes sapientes, dens serotinus / dentes serotini (i.e. 'teeth that come late').
Ceterum constat non esse priscum vocabulum Latinum, sed Senecam in quarto De beneficiis libro his usum esse verbis: "ultimus ille dens surgenti iuventae terminum ponens" (cap. 6, § 6).
____________________________________________________________________________________
* dens sapientiae: שׁן־הבּינה] Nonne Latine potest reddi his verbis: dens intellegentiae? Qua de causa verbum Hebraicum paulo aptius videtur esse quam dens sapientiae; multum enim inter se differre puto sapientiam et intellegentiam: adulescens vel iuvenis intellegentiam quidem nancisci potest, sed perraro sapientiam.

Re: Persona sub me (ludus)

Posted: 2015-02-05, 22:19
by Bernard
Babelfish scripsit / wrote:...Sī vis mē subsequī, prīmum te ōrō dicās num additīciās vestēs induere vel domum calefacere praeferās.
Domi satis mihi quidem sunt caloris gradus XX° C vel LXVIII° F, sed plerumque indutus sum etiam veste ex vellere confecta.

Is, qui me vult subsequi, solet in limine domus pedes suos excalceare.

Re: Persona sub me (ludus)

Posted: 2015-02-06, 18:42
by Babelfish
Sīc, meō in domiciliō ita soleō, quamquam apud parentēs nōn solitī sumus.

Mē subsequens quondam autocarrum onerārium ēgit.

Re: Persona sub me (ludus)

Posted: 2015-02-13, 8:52
by Bernard
Babelfish scripsit / wrote:...Mē subsequens quondam autocarrum onerārium ēgit.
Adhuc nullum egi vehiculum huius generis.

Si in animo habes me subsequi, te oro dicas placeatne tibi apricari in maris litore.

Re: Persona sub me (ludus)

Posted: 2015-02-14, 5:22
by vijayjohn
Heu, heu! Nesciō, quia numquam in maris litore aprīcātus sum.

Mē subsequēns nōbīs dīcet, sī bālāre possit.