Renkontiĝoj: intencoj kaj spertoj

[linguaholic]

Mi ŝanĝis la titolon de la fadeno por ke ni povu diskuti ĉi tie pri ĉiuj aferoj rilate al renkontiĝoj. - linguaholic

Saluton al ĉiuj,

ĉu iu(j) el vi partoprenos en Esperanto-renkontiĝoj ĉi-somere?
Mi aliĝis SESon (lernu-aranĝo en Slovakio) kaj antaŭĝojas pri ĝi.
Iu alia kiu ankaŭ iros tie?

[Formiko]

eble nur se oni havas ĝin en Germanio.

[Mutusen]

Mi konas kelkajn personojn, kiuj iros al SES, sed mi ne estas inter ili.

Tamen mi iros al IJK (en Ĉeĥio), kaj mi ege antaŭĝojas. La pasintjara IJK tre plaĉis al mi, kaj ĉi-foje mi sukcesis konvinki mian koramikinon veni kun mi.

[Martinbr]

Saluton!

La lernu!-arangon mi ne partoprenas, sed povas esti, ke mi iam estontece partoprenos tian aranĝon (eble kiel instruanto). Por ĉi tiu somero, mi decidis partopreni la "Kultura Esperanto-Festivalon", kiu okazos post unu semajno en la dana urbo Elsinoro. Pliaj informoj troviĝas cxi tie: http://kef.saluton.dk

@Formiko: Se vi interesiĝas pri Esperanto-aranĝoj en Germania, la jena paĝo povus esti interesa por vi: http://www.esperantoland.org/somere/index.shtml#somere

Amike,
Martin

[linguaholic]

Mi revenis hieraŭ - estis mojosa semajno! Sufiĉe "serioze" (do pli da studado ol festado), sed certe amuze. Strange, kiam mi adiaŭis la aliajn mi aŭtomate supozis ke mi ĉeestos alian renkontiĝon. Damne, mi estas kaptita en la Esperanto-mondo.

[Mutusen]

Ankaŭ mi revenis antaŭhieraŭ. Mi pasigis semajnon kaj duonon en Ĉeĥio, unue en IJK, poste ĉe ĉeĥa amikino, kiu vizitigis Pragon al mi. Mi tre ĝuis tiun vojaĝon. Espereble mi reiros al Esperanta renkontiĝo ĉi-vintre.

[linguaholic]

Cxu vi ĉeestos JESon? Mi ege emas partopreni, sed dubas ĉu mi havas la monon kaj tempon, mi jam vojaĝis tiom multe ĉi-jare.

[Mutusen]

Mi certe volas iri, kaj mi verŝajne povos.

[Hallas]

Mi irus, sed ĝi verŝajne ne estos ĉe mi.

[linguaholic]

Somere, mi ĉeestis la unuan teatran staĝon en Esperanto de Morgaŭ la Printempo en Minsko, mojosega! Blogartikolo pri la renkontiĝo preskaŭ finiĝas ... jam en novembro!

Do, tempo oportunas por novaj planoj! Mi ne ankoraŭ certas, sed mi pripensas iri al JES. Ĉu mi renkontus ULanojn tie?

[Mutusen]

Mi ne ankoraŭ certas, sed mi pripensas iri al JES. Ĉu mi renkontus ULanojn tie?

Jes, mi! Mi ankoraŭ ne aliĝis, sed mi planas iri.

[linguaholic]

Mojose!
Mi vidis ke ankaŭ Junesun aliĝis (ŝi ne plu aktivas ĉi tie, sed multe helpis min kiam mi eklernis Esperanton).

Ĉu vi ankaŭ partoprenis la pasintjaran JES-n? Mi ankoraŭ dubas ĉu mi elektu amasloĝejon aŭ junulargastejon, ĉar la prezoj ne multege malsamas. La amasloĝejo estos en lerneja sportejo - mi miras ĉu ne tre malvarmas tie nokte? Sed verŝajne ja dormos amaso da homoj ene por varmigi ĝin. Mi ankaŭ demandas min ĉu la amasloĝeja etoso pli bonus ol tiu en la 4litaj ĉambroj. (Ĉe mia unua renkontiĝo ne estis amasloĝejo kaj mi tendumis, ĉe la dua nur estis 5 homoj kaj unu ĉambro po partoprenanto. )

[Mutusen]

Mi vidis ke ankaŭ Junesun aliĝis (ŝi ne plu aktivas ĉi tie, sed multe helpis min kiam mi eklernis Esperanton).

Mi vidis ŝin pasintjare, sed apenaŭ parolis al ŝi, do mi dubas, ke ŝi memoras min.

Mi ja iris al la pasintjara JES. Mi elektos veran ĉambron, ĉar estas pli simple ol kunporti matracon kaj dormsakon, kaj oni certe malpli facile povas dormi en amasloĝejo. Tamen la pasintjaraj “luksaj ĉambroj” estis ŝerco: la organizantoj nur metis 10 aŭ 15 matracojn kaj littukojn en klasĉambrojn, do estis kiel amasloĝejo sed sen dormosako. Fakte la JES-ejo estis infanlernejo sen dormejo. Se mi scius, mi pagus malpli kaj kunportus dormsakon.
Sed ĉi-jare ŝajne estos pli bone: verŝajne la loko havos verajn ĉambrojn kun veraj litoj.

Kaj kiel vi iros tien? Mi iros per trajna karavano de Strasburgo; ŝajne alia ekveturos de Nederlando. La pasintjara karavano estis sufiĉe amuza (sed iom longa) aventuro — ni maltrafis trajnon kaj devis revojiĝi kaj neplanite trairis Ĉeĥion. Mi ĝojas, ke ĉi-foje estos malpli longe (ne necesos traveturi plurajn landojn).

[linguaholic]

Mi pridiskutis la dormejan demandon kun kelkaj nederlandaj Esperantistoj hieraŭ kaj unu el ili diris ke ne necesas zorgi pri tio, ĉar oni ĉiuokaze ne dormas. Jes, ĉi-jare estas "luksega ĉambroj" kun veraj litoj. Mi ne emas aliĝi kiel memzorganto, do mi ja pagus nur 3€ malpli po nokto en la amasloĝejo. Kunportado de dormsako kaj matraco ankaŭ estas kontraŭamasloĝeja argumento. Mi vidos.

Mi certe pasigos Kristnaskon kun mia familio en Berlino, do mi ne karavanumos sed iros trajne kaj buse ekde Berlino.