Hello, can someone help me please. I am trying to read the Sheep Letter (Seyðabrævið). I have tried to add some diacritical marks but not for all words. I have normalised the writing of the document, and I have changed some letters in order to represent pronunciation, those changes are:
œ instead of written æ
œy instead of written æy (Old Icelandic ey)
ę for written e but phonetically ø
ǽ for written æ but etymological é
ö for Old Icelandic ǫ (o with tail)
c for k (modern Faroese g)
ŧ for t (modern Faroese ð)
•Réttar bœtur virdulegs herra Hákonar konúngs
Hákon með guðs miskunn Noregs hærtugi son Magnúss konúngs hins koronaða, sendir öllum mönnum í Fœrœyjum, þeim sæm þetta brǽf sjá eða hœyra. Kvöðu• Guðs• oc sina. Anlegr faðir oc war hin kerasti vin, herra Erlendr byskup í Fœrœyjum, oc herra Sigurðr laugmaðr af Hjætlandi, sem ver höfum til yðar sent, teði oss af almúgans hálfu um þá luti sem þeim þotti um búnaðar bólkin askorta, oc af því letu ver í þessi •IIII• blóð saman setja þá skipan, sem ver höfum með hinna bestu manna raði þar agort, æptir því sem vér ventum, at almúganum skal mest vera til gagns. En um kristins dóms bólkin kunnu ver æigi aðra skipan á at gera nú at sini, en han standi æptir því, sem vár hin virðulegi hera faðer var hin koronaði læth saman setja, oc han fek í hendr hera Erlendi byskupi, oc landzbókin sjálf vattar. Er þaŧ fulkomet wart boð oc sannr vili, at hvartvegja þessi skipan haldist vel oc vandliga, at oskaddre sæmd konúngsdømsins oc vara æptirkomanda, þar til sem ver viljum aðrá skipan á gera með hinna vitrastu manna raði, æptir því sem ver seum, oc guð gefr os at undir standa, at almúganum mátti sem mest gang at verða. oc til sans vitnis burðar letu ver vart insigli fyri þessa skipan, er gor var í Oslo laugar dagin nesta æptir Jóns vóku, þá er liðit var frá burðar tíð wars herra Jesu Christi •M•CC• níutagi vettra oc átta vetr á nítjanda ári vars hærtuga dæmis; hera Aki kanceler in siglaði, sira teitir ritaði skrana, en Bárðr Pétrs son notarius var ritaði bréfiŧ.
•Hér hefr réttar bœtr Hákonar konúngs sonar Magnúss konúngs
Svá höfu vér oc spurt um óvenju þá, sem fram hefr fariŧ í landinu meirr en vera skyldi, um sauðfénað manna, oc os hœfir æigi lengr láta svá búiŧ standa, oc at hverr mátti sit hava. Nú ef •II[tveir]• menn æða fleiri eigu sauð saman í einum haga, oc vilja þeir skera báðir sín sauð, þann fyrst sem ómarkaðr er, hvárt sem þaŧ eru lömb æða gamlir sauðir, oc hefr þaŧ hverr, er tekr með hundi æða öðrum vélum, hvárt sem han á æða æigi. Nú af því at os líst svá oc öðrum skynsmum mönnum, at þaŧ ber æigi vár(r)í tign at nøkkur olaug hæfist upp í landinu, þá gęru vér þá grein á, ef maðr vill taka lömb æða gamlan sauð sín ómarkaðan, þá skal han fá til •II[tvá]• vittni skilrík, at þaŧ er hans sauðr, oc þar kenna þeir móðr til; fallerast þeim þaŧ, svari fyrir, sem han átti ækki í.
•Um haga gøngr oc kennsl
En maðr gęngr í haglendi annars mans oc rekr brott fénað hans hinum til skaða, svá at hálfrar męrkr er verðr, gjaldi fulrétti þeim, sem þan fénað átti, sem han er maðr til, oc •hálfa• mörk •silfrs• konúngi, oc bœti fénað aptur þeim er átti jafn góðan sem áðr var. En ef maðr kennir þaŧ manni, at han havi veriŧ með hundum í haglendum hans oc gørt honum skaða, bœti eptir laga dǿmi, en vitni eru til, elligar syni með laugum sem skynsamir men meta, oc at •III• dögum se áðr til sagt oc stefnt til þeim, er sauð á eða haglendi saman til samréttar; en sa er æigi kemur til sammréttar nauðsynja laust, gjaldi konúngi •II• aura •silfrs•. Nú hvarvetna sem menn eigu sauð saman eða haglendi, þá se hundar æigi fleiri, öllum sæmir, þeim er skeynsamastir eru, oc seu þeir ollum jamheimolir.
•Ef sauðr gengi í annars haga oc ofan rekstr
Nú liggja haglendi saman uttan garðz oc eigu •II• menn hvar sín haga, oc gengr sauðr or annars haga oc í hins oc er þar hagfastr, oc telur hin at, er þan haga á, þá taki han sauð sín oc beri í sín haga. Nú gengr þessi sauðr aptur annat sín í sama haga oc •III• sín, þá falli sauðr ógildr, þeim er á, uttan hin vili taka leigu fyri haga sín •XX• al• undir hverja sauða mörk; vil han æigi leigu taka, þá skal sa er sauð á bjóða honum kaup á hálfum sauðinum með sik. Nú vil han hvarki kaupa, nema leigu taka, þá lati sa, er sauð á, or hagamun ser at hagreðum oc havi or innan •XII• mánaða. Nú vil hin, er sauð á, hvarki leigu bjóða, nema kaup á hálfum sauðinum þeim er haga á, þá falli sauðr ógiðr. Þar skal sauð ofan reka, sem hagfastur er, oc réttum upp halda, hver eptir sauða magni• en ef óðru vis er gørt, gjalði konúngi •III• aura• en hinum skaða bott eptir laugum, er sauðin á, en skaði verði at. Nú eru men at samréttum. Þá merki hver lömb eptir því, sem eer á til, oc hýggi at, hví margar tvilembr eru, oc ef okunnr sauðr er í þeiri rétt, þá hýggi sauða men at, hvi margar lömb hava, oc merki hveri lamb, sem æigi er geld. Nú mismarkar ein hver sauð í samrétt, þá havi sa sauð sín, þegar réttar kenningar koma til, sem á, en hann má sini einkunn á koma æða annan sauð jafn góðan, en sa engu sekr er mismarkar í samrétt.
•Um kyrring
Nú eigu men mergir sauð saman í einum haga, oc vil ein hver kyrra sín sauð eða sumir, en sumir vilja æigi. Þá sa raða er kyrra vil oc bæta vil sit fé, en æigi hin, er spella vil. Nú rekr sá sín sauð, er kyrran á, oc kemr styggur sauðr í; seti niðr oc lœypi æigi upp styggum sauði í kyrran. Nú lœypir hin upp styggum sauði í hins kyrran oc ger honum svá skaða; bæti honum fulrétti oc ófundarbot eptir lógum oc konúngi •III• aura •silfrs•, oc kyrri þan sauð sín sem eptir er í þeim haga.
•Um sauða
Nú ganga men ein gongr í haga oc gera þan æigi varan við er sauð á í þeim haga, oc mismarkar eins hvers þeirra lamb oc setr á sina einkun, oc var áðr ómarkaðr, oc segir þeim æigi til, sem á. Þá hefir han markat með lœynd oc bœti þeim, er átti, æptir dǿmi, en konúngi •III• aura •silfrs•, en virðist til œyris, en húniska, en minna er. Nú markar han þann sauð, er áðr er markaðr oc setr á sína einkunn ofan á hins, sem áðr átti, þá er hann þjófr at.
•Um sauð bíta oc iskipan
Enn ef men leiða hunda þá í haga, er sauð bítar eru oc bíta sauði, bœti aptur, hinum er átti, jafn góðan sauð; bítr han optar, bœti sem sjálfr drepi. Verða þeir hundar sauði at skaða, er menn hava samþykt, at upp skolu ganga, bæti sa aptur jafn góðan sauð hinum, er átti, er þessi hundr fylgir oc varist svá með at gœyma hans. En þaŧ eru sauð bitar, er optar verða sauði at skaða en um sinn æða gengr brott í haga at bita sauði. Eptir því skal iskipan í haga, sem at fornu hevir verit, uttan men see, at hage mege meira bæra. Þá havi svá margar sem þeim semr oc æigi meira iskipa, hvarki naut eða sauði, en at réttri til taulu oc aðr skilr manna millum, oc halda engi í annars haga uttan sjálfs sins ella svari fyri eptir laugum.
•Um finnir
En ef maðr skipar annars manz haga með sauði sinum oc vill æigi or láta, þo at hin meini, sem hagan á, þá skal sa, er hagan á, gera fimtir til, oc skal hin fyrsta hefja at Ólafs vóku oc til Andres messu; er þá æigu or forfalla laust, þá eignast sa þriðjung í sauði hans, er haga á. Aðrá fimt hæfr at Andres messu oc til fostu; er þá æigi or forfalla laust, þá eignast sa •II• luti í sauðinum, er hagan á. •III• fimt hefr at fostu oc framan til Ólafs vóku; er þá æigi or forfalla laust, þá eignast sa þan sauð allan, er hagan á, uttan þer nauðsynjar banni, er men meta til forfalla, oc vitu þaŧ grannar hans, att han mati æigi or færa, þo at hann vildi. Þá skal han hava verð fyri sauð sín þan sem eptir stendr í haga hans. Svá er oc skipat, at sa ein er sauðr hagfastr í annars haga, er þar lęmbir oc þar hefir allan vettar haga.
•(Uttan yvirskrift)
Nú þar sem hag merkr manna liggr saman, oc sauðr gengr hvar til moz með annan, þá skal sa er til markreinar vill ganga, gera þeim orð er til moz eigu með han, oc ganga baðir saman. Vil annar hvar æigi ganga, þá gangi, sa er stefndi í sín haga, en æigi í hins. Nú gengr han um markrein í annars haga, svari sliku fyri, sem hann gerði honum ekki orð. Nú eru æigi orð gor, oc gengr þo, svari slikri tortrygh, sem sa vil á hendi honum hava, er heima satt, oc skaða þan allan, er af gerist hans up gongu á þeim degi, oc ófundar bot slika sem lógh bók vattar• en konúngi •III• aura •silfrs•.
•Um kyring
Nú ef men eigu haglendi saman oc styggan sauð oc vilja sumir kyra, en sumir æigi, þá skal sa raða, sem kyrra vil• ælla ábyrgist honum allan þan skaða, er af verðe á sauði hins, sa er æigi vil heim taka, nema nokkur nauðsyn gangi til.
•Um landskyld
En maðr bitr á jörðu manz, oc er æigi landskyld lokin, fyr en hann fer af jörðu, þá eignast landzdrotte lóð, en ef sa maðr situr á jörðu mans, er æigi hefir fé til at luka, þá er han fer af jörðu um varit, þá hafi han lokit alla landskyld at Ólafs vóku, ella eignist landzdrotte bæðe lóð oc leigu. Nú fer leiglandingr af jörðu, en annar fer til, þá vinni hvar á þeirri jörðu er aðr bjó á, svá at þeim verði æigi skaði at, er til fer; en ef men fara af þeim jörðum er þeir hava á verit um vetrinn, svá langt at þeir geta æigi seð yfir sað gerð sina nea varðueit, þá skal sa, er til kemur girða um oc geta, skera oc tina oc eignast með því fjórðung af korni oc halmi, en ef skaði er á gor, bæti þeim sem akr átti, æptir dǿmi korn spel, en konúngi •II• aura •silfrs•.
•Um húsbęðr
Svá oc um þá men er rekast á hendr mönnum ærenda laust oc sitja par •V• netur æða lengur, gjalde konúnge •III• aura, uttan hjun fari at taka ser vist, eða bóndi sendi ærenda sinna; fatekir men allir skolu fara at ósekju at biðja ser matar oc olmosu. Svá oc þeir men, er in taka húsbęðr, gjaldi konúngi •III• aura. oc aðra •III• þer. Svá oc um þá menn, er skemma góða menn í örðum æða verkum oc trœysta svá felœysi sinu, þeir skolu hava slika refsing, sem skynsamir menn meta, oc fara í myrka slofu oc sitja þar svá lengi, sem mal er hart til, oc se siðan breit á bak þeim, er þeir fara þaðan. Því at hertugin uil æigi, at þeir seu refsingar lausir, er þaŧ gera, bæðe karl men oc svá konr.
•Um vitnist burð
En maðr er staddr uið á deild manna æða kaup oc vil han æigi vitni bera lauglega til nefndr, gjaldi konúngi mörk •silfrs• hverju sinni, þar til er han ber. Nú ef men verða hjá staðir kaupum manna eða einu hverju því sem men skilr á, oc niga siðan eptir auðrum hvarum, þá skulu þeir æigi vitni bera, þo at þeir seu nefndir til, uttan engir fáist aðrir valenkunnir oc skilrikri.
•Um forgipt
Svá oc þeir men, sem hér hava vetur setur, oc bændr bjóða heim, til mikit er bendu skolu taka með þeim í forgipt á •XII• mánaðum. Þeir skolu gefa •CCC•, er ekki hava mungat oc þo mat slikan sem bóndi•, en sa •CCCC•, er maldrykiu hefir helga daga oc fostu daga, en sa fim hundraŧ, er hvern dag hefr mungat.
•Um bunað
Svá er oc um þá men, er þegar legjast í kott, er þeir eigu eins miseris mátt, en nú skal engi með mína fé saman setja heðan af en með •III• kýr, en hver sem lendir með minna, gjaldi œyri •silfrs•, en sjálf fæslu men aðrir skolu engir vera, uttan þeir sem æigi fáa ser vinnu til forturs. Svá oc um þau hjun, sem laupast bröt frá bonda forfalla laust, skal engi lengr fæða en •III• netr æða gjaldi slikt, sem bók melir um þá men, er taka annars mans vinnu hjun.
•Um hval fund
En húskarlar bonda hitta hval á havi útt oc skera af skip farm, havi af sjaundung. Nú flytja þeir hval at landi óskorin, haui af slikt, sem bók melir. Nú reka menn hval á land þeir, er eigi eigu jörð fyri ofan, oc bjarga or flœðar máli, hafi af fjórðung; svá um tríu, naut eða sauði eða annan fénað, en þeir finna á hafi útt oc flytja til landz, havi af fjórðung.
•Um haf rekstur
Þá skipan höfu ver á gørt, at hval flystri þau, sem ver köllum vagn hǿgh, þá vilju ver þaŧ gefa þeim mönnum, er þaŧ land eigu sem á rekr, fyri guðs sakir oc salu sauðr vars, os til friðar oc farselðar með þeim hetti, at syna skal aðr •II• skilrikum mönnum, en þeir geri rað fyri, uttan varir eptir komendr see, at þaŧ er nokkut móti konúng dǿminum.