Postby Pīteris » 2012-09-20, 14:55
Asma etwartinnuns si, kaīls.
Glabbi, mennei ast ainawīdan, anga Tū turri ka nika prīki min, adder ni. Sta ni ast zentlawingi.
Ka mennei ast swarewīngi, sta ast Prūsa.
Tīt māise nadasnā - ni ūlintwei, adder tōlaritun aīns āntran. Tebbei as wīrst mazīngi wisaddan būwuns "idiōtiskas pōlis", adder turrimai per tūlin per segīsnan, kāi aumestun kērdan prei stawīdans gezēiriskans pawīstins.
Teinū asma segīwuns rekkenan na YT. As kwāi prasītun zmūnins iz Skrittin, Laītawan, Lattawan be Pōlin, kāi tenēi segīlai īnsans filmikans sen prūsiskan billin. Zmūnimans as kwāi pawaidīntun, kāi prūsiskan ast šlaitawīdan, kāi turri šlaitawīdans akcēntans, tērpausnas wīdans be tīt tālis.
Ik Tū prēitara - labbai, ik ni - brendu. Ik Tū kwaitīlai segītun stawīdan filmikan, būlai perarwi labbai.
As niilgai dīgi wīrst wanginnuns Līkutan Kunegikan, as kwaitīlai kāi Twāise dukti turīlai šin lāiskan. As wīrst rēide segīwuns tenessei stawīdan dājan, īr ik Tebbei prūsiskan tērpautan ezze mi be kitēimans ni padīnga.
Prūsa Prābutiskai!